Lirik Lagu Manado

Yang mau cari lirik lagu manado…….

napa dia….mar sori ne supaya gampang di kopas teks jo dari pada pake penyimpanan file lewat 4shared. mediafire. kong kage cuma mo ekspire dp link…..OK?  ok boss..

file…..xxxxxxxxxxxxx-><-

 

 

TAREK MEJA PANJANG

Nova Sondakh

 

Masih ta inga ngana pe kata

Waktu torang dua mo baku pisah

Ngana pe aer mata jatuh di pipi

Kita seka deng lenso putih

 

(**)  Waktu kapal barangkat kita sapu dada

        Nyanda tahang lia pa ngana sayang

        Badiri ba angka tangan

        Kita kurang maruku babadiang

 

(reff)

Tiga bulan so berlalu nyanda kabar kase tau

Kita di sini sandiri batunggu tunggu

Orang tua so setuju torang dua batunangan

Nyanda sangka kalo ngana balaeng

    Ngana kirim surat undangan

    Ngana mo tarek meja panjang

    Rasa tabakar kita pe hati deng jantong

    Hilang sudah ta pe harapan

    ancor samua ta pe impian

    Tinggal sandiri di sini dengan kenangan…(**)

===================

MANIS NGANA PE BIBIR

                                                                 Febiola

( * )

Kalu cinta bilang cinta

Kalu ngana sayang bilang sayang

Kita pe hati Cuma pa ngana seorang diri

 

Kalu ngana bilang rindu

Ngana bilang akang rindu pa kita

Kita pe hati Cuma pa ngana

yang kita cinta Cuma pa ngana

yang kita sayang Cuma ngana sandiri

di kita pe hati

 

(reff)

Manis manis ngana pe bibir

Ngana bilang cinta

Manis manis ngana pe hati

Ngana bilang sayang

Skarang ngana so pigi jao

kase tinggal pa kita

Sampe kita ancor bagini …….( * )

@@@@@@@@@@

 

ANCOR LANTARAN NGANA

Isty Julistry

(…..mana…sayang, ..mana dang sayang…..)

Tiap kali ta lia pa ngana

Ngana ba acuh acuh pa kita

Rupa nyanda kanal

Padahal kita pe diri ini

Da ancor ancor bagini lantaran ngana

 

(reff)

Mar ley sayang, mana dang sayang

Ngana pe tanggung jawab pa kita

Ni diri yang so ancor ancor bagini

     Mar ley sayang mana dang sayang

     Sampe hati ngana bekeng kita ta siksa

     Menderita bagini

 

Kalu memang na sayang pa kita

Kiapa salalu ngana se saki kita pe hati

Padahal kita pe diri ini

da ancor ancor bagini

Lantaran ngana……………….(reff)

#####################

SO TUA NGANA SAYANG   (2010)

Essy & Marco

(  Perempuan )

     So tua ngana sayang

     Mar ta sayang do pa ngana

     Dari samua cinta yang kita so pilih

     Cuma ngana ta teru di hati

 

Cinta bukang dosa kalu so suka deng suka

Asal jangang tu hati ba cabang dua

Cinta lebe pidis dari rica

 

(reff)

Memang cinta nyanda pandang tua atau muda

Jodoh tersurat dari opo empung

Kalapa tua lebe tua lebe banya minya

Biar so tua tapi ngana masih pasung

 

 

( Laki-laki )

   Memang kita so tua mar ngana sayang pa kita

   Apa itu dari ngana pe isi hati

   Ato Cuma ngana mo ambe hati

        Cinta itu anugerah kalu so suka deng suka

        Asal jangang coba coba barmaeng gila

        Cinta lebe panas dari goraka

 

  (reff)

  Sapa bilang itu cinta Cuma for orang muda

  Sedangkan jatuh cinta bukang le dosa

  Kalapa tua lebe tua lebe ba ba minya

  Biar so tua mar masih banya sisa

  .. biar so tua masih banya sisa…….

 

                   Oooooo-000-oooooO

 

HATI SO TAPELA

 

 

Bila ta tengo ngana pe foto

Kita pe dada langsung

ba rasa ta pukul

 

Sampe hati ngana

kase tinggal kita sandiri

Apa ta pe salah

sampe ngana bekeng bagini

Sapa pe hati nyanda mo ta pela

 

**Ta inga ngana pe kalakuang

     Kita pe darah langsung

     ba rasa mandidih

 

Ngana pe janji janji

Cuma beking sorga talinga

Ngana pe kata kata

kita so nyanda mo parcaya

Biar ngana mo bale

hati so ta pela….**

<<<<<<<<< o >>>>>>>>>

POLO PA KITA

 

 

Detik detik terakhir

torang dua baku sayang

Sadiki lei torang dua

mo baku pisah

 

**Cuma kita se inga

    jangang sampe ngana balaeng

    tunggu kita mo pulang

    mo datang ambe

 

(reff)

Polo pa kita sayang

Ciong pa kita sayang

Ini yang terakhir

torang dua bakudapa

Bukang untuk mo ba pisah

Polo pa kita sayang

ciong pa kita sayang

ini yang terakhir torang dua bakudapa

bukang untuk mo ba pisah….**

######################

 

DATANG AMBE PA KITA

Angel Karamoj

 

 

Taong ba ganti taong

Kita tunggu ngana mo pulang

Sampe skarang ngana sayang

Bulung datang datang

 

**Kita so nyada sanggup

    Nyanda tahang hidop sandiri

    Pulang jo ngana pulang

    Datang lia pa kita

 

(reff)

Jangang ngana se biar

kita hidop sandiri

nintau apa lagi yang kita mo bekeng

kalo ndak da ngana

      pulang jo ngana sayang

      datang ambe pa kita

      kita rindu skali

      ngana ada deng kita

      rupa itu dulu dulu……**

 

@@@@@@@@@@@@@@@

 

PIGI JO DENG DIA

 

….pigi jo deng dia…

….pigi jo deng dia…

….pigi jo sayang……….

 

Sapa yang nyanda mo saki hati

Waktu trima tu undangan merah

Undangan for ngana kaweng

Kaweng dengang dia

 

**Kiapa dang dulu ndak pernah bilang

   Kalu kita dorang nyanda kase

   Skarang ini so jadi bagini

   Kita mo bilang apa

 

(reff)

Ado kasiang

sampe hati ngana sayang

Se ancor ancor bagini kita pe hati

Ado kasiang

nyanda sanggup lagi sayang

Pigi jo deng dia – pigi jo deng dia

Pigi jo sayang……..**

ooooooooooooooooooooooooooooooooo

LENSO PENYESALAN

 

Ta so dengar cirita

ngana pe perkawinan so nyanda lama

kadera pengantin

somo ada tu doi deng bredehome

 

(reff)

jangang lupa undang pa kita sayang

biar Cuma mo pegang tangang

ta mo bawa ngana pe lenso

mo kase pulang jo pa ngana sayang

lenso basah deng aer mata sayang

aer mata penyesalan

skarang ngana so bahagia

di atas luka yang kita rasa

 

    baru skarang ta sadar

    na pe cinta pa kita Cuma da gade

    rabu rabu na tubus

    jual pa orang laeng

    kong somo kaweng…..(reff)

@@@@@@@@@@@

SATU KADERA TIGA ORANG

Nova Sondakh

 

Untuk apa ngana ka sini

Datang for minta maaf

Sedangkan cinta yang ada pa ngana

Bukang pa kita lagi

 

**Memang ta tau tu waktu itu

   Ngana da bekeng salah

   Tapi sekarang samua itu

   Kita so lupa akang

 

(reff)

Yang lalu biar jo berlalu

Jangang ngana ungkit ungkit lagi

Karna sekarang ngana deng kita

So nyanda rupa dulu

Ngana di sana so ada yang laeng

Kita di sini so ada yang punya

Manalah mungkin satu kadera

Torang tiga mo duduk akang…**

 

# # # # # # # # # # # #

 

MEMORI DEGO DEGO

Angel Karamoj

Sedih kita pulang di Manado

Tu dego dego deng pohong bulu

So nyanda ada

Kita ba Tanya pa birman birman

Cuma maruku

Dorang bilang

kiapa skarang baru bale

 

( ** )banjir tiga puluh November

         tu dego dego deng pohong bulu

         aer so bawa

         talalu lama dia manangis

         tunggu pa ngana

         kong tatumpa

         jadi banjer di Manado

 

(reff)

Kabur aer di kuala

Cinta yang ngana da  kase

Tarang boleh ba kaca

Dingin sama deng ombong

Itu kita pe cinta

Cinta bukang karamba

Putus tali iko guhi

Apa hendak di kata

Memori pohong bulu

Jadi malapetaka….( ** )

            ====o0o====

DEGO DEGO TUA

                                               Demsi & vivin

 

Sampe tempo apa kita bagini

Duduk sandiri da tunggu pa ngana

Di dego dego torang dua ba janji

Nyanda mo baku lupa biar so jao

 

**Kita lei di sini rindu pa ngana

   Ta siksa tu hati rindu di sana

   Memang Cuma ngana

   yang paling kita sayang

   Cuma ngana yang kita da rindu rindu

 

(reff)

Dego dego tua saksi torang pe cinta

Nyanda mo ta lupa biar orang mo goda

Dego dego tua saksi torang pe janji

Tetap so di hati sampe mo bawa mati

Dego dego tua jadi teman setia

Tampa hapus rindu kalu inga pa ngana

 

                 8888888888888

 

DI DERMAGA

                                   CONNY MARIA MAMAHIT

 

Skarang Cuma mata

deng hati yang bicara

sadiki lei somo bapisah

lia jo pa kita

inga inga di mimpi

seka aer mata di pipi

 

**lenso warna putih

   basah deng aer mata

   kapal so tiop tiga kali

   kapal so lapas tali

   nahkoda putar kamudi

   selamat tinggal kekasih

 

(reff)

Kapal bajalang ngana

masih di dermaga

lambaikan tangan

kong ba seka aer mata

di atas kapal

kita Cuma ba badiam

kita pe hati

inga inga pa ngana

satu hari nanti

kita pasti bale

for torang dua pe baku sayang….**

           

         SSSSSSSSSSSSSS

 

KITA BUKANG PUNTUNG ROKO

 

 

Tiga bulan baru kelar

Torang dua di atas puade

Ngana ta laeng ngana ta rubah

Ngana so lupa tu janji yang dulu

 

**Pigi pagi pulang so tengah malam

   Kerja lembur kurang jadi alasan

   Tiap mo pulang ngana so mabo

   Ngana mamake deng pukul pa kita

 

 

(reff)

Sadar jo sadar jo ngana sayang

Jangang na bekeng pa kita bagini

Kita so pastiu deng ngana pe cara

Tiap ta salah mo minta maaf

So cukup kita mo mangarti

Samua tu ngana pe kalakuang

Kita bukang puntung roko

Ngana so buang

tambah ngana mo injang…..**

 

                 HHHHHHHH

 

OFU MALENDONG AKANG

 

                      ……..ado kasiang,,,,kasiang,,,,,,,,,

                      kita tertipu lagi………….

                     …ngana pe kata manis,,ngana pe janji jani

                     cuma bekeng sorga talinga…….

 

Memang dari dulu kita so dengar

Ngana pe kalakuang di sana sini

Samua parampuang yang pernah deng ngana

Nyanda ada yang nyanda kecewa   oh..oh…

 

**Dari dulu kita nyanda parcaya

   Orang orang ja bacirita

   Skarang kita so rasa

   Skarang ta so alami

   Ternyata ngana memang buaya darat

 

(reff)

ado kasiang , kasiang

kita tertipu lagi

ngana pe kata manis,,ngana pe janji jani

cuma bekeng sorga talinga

ado kasiang , kasiang

kita tertipu lagi

Cuma kita berdoa for ngana buaya darat

Satu waktu ngana ofu malendong akang….**

             XXXXXXXXXXXXXXXXXX

 

 

AMPAS KALAPA

                                                                               ISTY JULISTRY

Kita bukang ampas kalapa

ngana ramas ngana buang

Ta sisa santang kong na mo bekeng minya

Kita ini na da tanya kita ini na da kaweng

Jang bagitu jang na mo ba tai minya

 

Serta so abis itu manis

ngana bilang vaya condios

Na kira kita na pe tampa ba singgah

Bukang maeng na pe hati

bukang gampang na pe rupa

Ba badiang nintau standby mo lari

 

(reff)

Ngana kira kita ampas kalapa

Na ramas na buang

Ta sisa santang kong na mo bekeng minya

Memang ngana so banya tai minya

Kita ini ngana da pilih sandiri

Bukang tampa ba colo

Deng bukang tampa ba terah cinta palsu

Jangang ngana mo se anfal tu cinta

 

Kiapa kong ndak dari dulu

waktu torang batunangan

Nyandak mo bilang kalu

blum suka kaweng

Sarta skarang tong so kaweng

ngana stel mo kore laeng

Bukang maeng

na mo se angus itu cinta…(reff)

 

RRRRRRRRRRRRRRRRR

               RUPA JO MALAEKAT

                                                               Isty Julistry

Dulu kita pernah

ba terus terang pa ngana sayang

Tentang ta pe diri

yang so ancor ancor lantaran dia

waktu itu ngana polo kong sandar di dada

ngana bilang tetap ngana tirima

jangankan ancor pe ancor

sedangkan abu masih ngana mo punggu

 

**Kita cuma manangis

   da dengar pa ngana pe kata kata

   rupa jo malaekat

   yang  kase slamat ta pe diri ini

   Cuma jao di hati kita ba tanya

   mungkin jo ngana mo trima kita pe diri

   Cuma demi harga diri

   ta so mangaku sebelum na maso minta

 

(reff)

Cuma skarang jadi laeng

ngana manyasal akang

tiap kali baku salah ngana mo ungkit

kita pe hina kita pe ancor

yang kita tako akhirnya jo terjadi

ngana lupa tu janji

kalo ngana so manyasal

sungguh mati kita lebe manyasal…**

                   @@@@@@@@@@@

              SO TA BAKAR TA PE CINTA

                                                                       Leidy Takapaha/ Nia Daniaty

 

Ngana…..

Ngana beking salah

So tau kita pe tamang

Ngana ba gila akang

 

   So luka mata manangis

   So bukang hati kita yang saki

   Ini luka so sampe ka dalam daging

 

Ngana……

Ngana kita sayang

Di muka muka pa kita

Ngana ba sandiwara

 

**Mo cari sapa yang salah

   Sedangkan kini ngoni so ta salah

   Tanggung jawab jo biar kita mo sandiri

 

(reff)

Nyanda apa apa

Dia cinta pa ngana

Yang kita mo bilang sayang akang

Dia jang rupa kita

Nyanda apa apa kita jadi bagini

So ta bakar ta pe cinta

So angus kita pe dalam hati…..**

 

                 @@@@@@@@@

DULU KITA SAYANG

                                                               Isty Julistry

Talalu jujur kita pe cinta

Talalu sabar kita pe hati

Cuma manyasal samua ini

Ngana nyanda pernah mo mangarti

 

**Kalo dulu ngana nyanda bilang cinta

   Kalo dulu ngana nyanda bilang sayang

   Ini hati nyanda mungkin bagini

   Ba harap mo sayang pa ngana

 

(reff)

Manyasal kita pe cinta kita pe sayang

Pernah satu parahu deng ngana pe hati

Kalo dulu kita tau kita da rasa

Ngana pe kalakuang oh sayang

Kalo dulu ngana yang paling kita sayang

Tapi skarang so paling kita binci……**

      #############

              HARGAI TA PE DIRI

                                                                                    Isty Julistry

Sapa pe hati nyanda mo saki skali

Pagi masih deng kita

siang masih deng kita

Malam pigi deng dia

 

**Sapa pe hati nyanda mo nae darah

   Apa yang ngana da minta

   samua kita so kase lantaran ngana

 

(reff)

Kiapa dang sayang jadi bagini

Kiapa do ngana pe jaha skali

Kita da sayang sayang

kita da manja manja

Ternyata punung deng dusta

    Kiapa dang sayang kita pe bae

    Ngana balas deng aer tuba

    Kita minta pangana yang paling terakhir

    Hargai ta pe diri……**

 

Ooooo000ooooO

CUCI LUKA DENG AER MATA

 

 

So deng taong torang da baku sayang

So deng taong torang pe cinta satu

Kita so iko ngana pe mau

Pigi deng ngana se tinggal sudara

 

** Skarang samua capat barubah

    Laeng dulu laeng sekarang

    bisa bisa pa ngana di muka pa kita

    Ngana polo deng ciong pa dia

 

(reff)

Saki sungguh talalu saki

Sampe hati na beking bagini

Luka luka ta pe hati

Ngana so pigi deng orang laeng

Kita Cuma bisa mo ba sabar

Biar tu hati so luka

Coba biar jo kita mo coba

Mo cuci luka deng aer mata….**

               @@@@@@@

 

 

 

             BURUNG BAJINGAN

Angelina Rubi Lasut

 

Ado kasiang kita pe burung

Kiapa ngana so jadi bagini

Dorang so bidik di pila pila

Lantaran da pi batera di sana

 

**Kita pe burung yang kita sayang

   Ternyata bukang burung yang setia

   Terbang malam bateto lari

   Ulang pulang luka tu pila pila

 

(reff)

Untung dorang da bidik

nyanda kanal di kapala

Untung dorang ndak bage

ngana deng senjata angin

Ngana satu satunya

burung yang kita sayang

Ternyata ngana burung bajingan…**

       @@@@@@@@@

 

     BUKANG BURUNG BAJINGAN

                         Pheleszt

   Sayang…

   jang ngana asal batuduh

   Kita pe burung

   yang ngana sayang

   bukang burung bajingan

 

** ngana so salah sangka

    ta pe burung ndak pernah

    batera di sana

    kita so lupa bilang

    kita pe burung

    da talapas rupa da ika

 

(reff)

Jang ngana asal ba bilang

Kita pe burung ini sungguh setia

Jang ngana asal ba tuduh

Kita pe burung

so terbang kasana kamari

Memang kita akui

Kalo pa ngana

ta pe burung kadang batera…**

     @@@@@@@

       APA KITA PE SALAH

               Henny Roring

Bulan lalu

ngana ba janji pa kita

Bulan ini

ngana mo

datang masominta pa kita

Kita kurang rekeng rekeng hari deng tanggal

Sampe so abis

ngana nyandak datang datang

 

 

(reff)

Saki skali kita pe hati

ngana beking hamis

kita pe cinta

Apa kita pe salah

apa dang itu salah

Sampe beking bagini

Lebe saki kita pe hati

kita trima undangan kaweng

Ngana pe nama

deng dia di situ

Lebe saki lebe tarabe

kita pe hati

@@@@@@@@@@@

       DORANG MO RABE MATA

                                                                                                  Isty Julistri

 

Salah so kita kalo cemburu

Ngana ta pe laki

kita pe jantong hati

Sapa yang nyandakmo rasa balisah

Ngana so mulaijarang di rumah

 

Nimbole mo tanya ngana ba marah

Bilang kita yang so talalu

pang cemburu

Padahal kita da lia sandiri

Mar sapa pe garang

Yang rela mo jumur di ujang

 

Pe sampe hati lantaran dia

Ngana mo kase korban rumah tangga

Ngana so lupa lantaran ngana

Kita rela dorang buang sudara

 

Bilang dang akang yang kurang pa kita

Mar jangang ngana beking bagini

Saki ta pe hati malo pa keluarga

Kurang tunggu dorang  mo rabe mata

     **********************

RINDU FOR NGANA

Indra & Fian

Kita tulis lagu ini

Cuma for ngana sayang

Lagu kenangan for torang dua

Waktu ngana masih di sini

      **Skarang ngana so di jao

         Kita sepi sandiri

         Bila manyanyi lagu rindu ini

         Barasa  ngana ada di sini

 

(reff)

Ini lagu rindu for ngana

Kita slalu manyanyi akang

Kadang kadang kita ndak tahang

Mo suka bakudapa

Cuma ini lagu penghibur

Kalu inga pa ngana

     Ini lagu rindu for ngana

     Kenangan torang dua

     Cuma ngana kita pe sayang

     Cuma ngana kita pe cinta

     Kita nyanda ada permata

     Cuma kasih deng sayang ……**

               @@@@@@@@@@@

JANGANG AMBE KITA PE LAKI

                                                                       Isty Julistry

 

Jangang….

Jangang ganggu kita deng dia pe baku sayang

kita minta jangang, kita mohon jangang

jangang ngana ganggu

 

**Jangang

   sampe hati ngana mo bekeng kita hidop sandiri

   makang sandiri, tidor sandiri, bajalang sandiri

 

(reff)

Jangang ganggu torang pe baku sayang

Jangang ambe dia kita pe laki

So cukup dulu kita pe saki hati

So talalu menderita

    Jangang ganggu torang pe baku sayang

    Jangang ambe dia kita pe laki

    Kita minta pa ngana sadar jo sadar

    Jangang ganggu  ta pe laki……**

                       000000000000000000

     JANGAN BILANG SAKI

( * )Jangang…

      Jangang bilang bilang so saki

      So itu saki tu bekeng sadap for ngana

      Jangang

      Nyanda usah mo basa basi

      Ngana so basah deng aer mata buaya

 

Ngana pe kira kita pe mata so buta

Da lia ngana baku ciong deng orang laeng

Deng ngana kira ta pe talinga so pongoh

Ngoni pe nafas bekeng Bangka ta pe dada

 

(reff)

Biar jo sayang

Dunia ini so ngoni punya sayang

Ta so nyanda ada dendam di hati

Aer mata so malas mo malele

Biar jo sayang

Ta so nyanda ada handel deng cinta

Manusia mengirai ngirai jalannya

Opo empung yang menentukan ….( * )

###########################################

KASE PULANG TU HARTA

                                                       NOOIZ

 

Sapa pe hati nyanda mo saki

Ada pikir pikir pa ngana

So antar akang harta

Kurang tunggu tanggal mo kaweng

Nyanda jadi kaweng deng kita

 

**Kiapa ngana bekeng bagini

   Sampe kita tabingo bingo

   Riki jual roda deng sapi

   Riki jual tu kobong pece

   Dia pe laste ngana badusta

 

(reff)

Kase pulang itu cincin

Kase pulang itu doi

Kase pulang itu koi deng lamari

Deng tu doi ngana pe mama ada pinjam

Ngoni kira ta Cuma badiang

Ngoni kira ta Cuma se biar

Brani nyanda kase pulang itu samua

Kita tuntut sampe di pengadilan….**

                      MMMMMM

KIAPA MO AMBE ULANG

                                               Wella Makawimbang

 

*…..ta so nyanda mo minta maaf

…..…kita so nyanda manangis pa ngana

memang dulu so ada yang mo maso minta

skarang kita mo trima pinangan………………..*

 

Kita so nyanda tuntut pa ngana

Ta so rela ngana balaeng

Ngana bilang so rugi

Rugi samua harta

Ngana mo minta bapisah

 

**Dulu kobong ngana yang jual

   Roda deng sapi ngana yang gade

   Torang pe cincin kaweng

   Tambah rumah deng kintal

   Samua ngana yang jual

 

(reff)

Skarang ta nyanda mo minta maaf

Skarang kita nyanda manangis

Memang kita yang minta

Torang dua bapisah

Bekeng apa ka pengadilan

Kalo dulu so ator bae bae

Kalo dulu kita nya saki hati

Doi yang ta pe mama da pinjam

Koi yang dulu ngana da kase

Kiapa skarang ngana mo ambe ulang…..**

@@@@@@@@@

NYANDA USAH KASE PULANG

Exizz

 

 

*..bekeng apa ngana mo minta maaf

…..bekeng apa ngana manangis

kalo memang so ada yang mo maso minta

kita pasti mo rela akang…..*

 

 

Kita nyanda tuntut pa ngana

kita nyanda minta mo bale

biar kita so rugi

rugi samua harta

lebe bae torang bapisah

 

**Dulu kobong kita so jual

   roda deng sapi kita so gade

   jangankan isi rumah

   cincin kaweng

   samua ngana so jual

 

(reff)

Sungguh mati skarang kita so rela

Kita nyanda mo tuntut pa ngana

Kalu ngana so suka torang dua mo pisah

Nyanda usah ka pengadilan

Lebe bae ator jo bae bae

Biar nyanda ada yang saki hati

Doi yang na pe mama da pinjam

Koi yang na pe mama da minta

Nyanda usah ngana mo kase pulang….**

 

                  Oooo000oooO

 

 

duhhh….mo ba tulis lagi mar so lalah….itu dulu eeee…..nanti sambung lagi laeng waktu………..SALAM IDUR PALING SPAN……

31 komentar

  1. mo download dimana itu lagu Rindu for ngana, so cari di 4share mar nda ada :(
    minta saranya …..

    1. @ Lis,,,download di youtube aza,,kalo MP3 bisa juga di youtube tapi instal “easy youtube video downloader add-ons” for mozilla(pake Mozilla). Setelah diinstal, kalo kita buka youtube di bawah panel videoscreen ada panel download tinggal diklik lalu pilih MP3. Maaf karna terlambat update komen. add-ons nya download di https://addons.mozilla.org/id/firefox/addon/easy-youtube-video-downl-10137/
      bisa juga dld videonya pake IDM tapi setelah itu di convert ke MP3 pake app video converter.

      1. Mo cari kang di mna tu lagu antara manado deng jakarta

  2. Lovelly · · Balas

    Makase banya bro’

  3. Lise syarifah ds · · Balas

    jgn lama_Lama bls’a

  4. mantap :D

  5. nyakk ada isty yang demi orangtua????kalo ada depe lirikkk share dangg nehhh ;)

    1. Sawitri Nathania Soolany Taung · · Balas

      betul itu….

  6. Sawitri Nathania Soolany Taung · · Balas

    nyanda ada lirik korban perasaan..??? kalo ada depe bagikan dang ?? :'(

  7. nd’ ad ynk cinta ret k2 & cemburu,,,,

  8. lirik lagu daerahnya ada ?

    1. woww…99,9% anak manado sekarang sudah tidak bisa melafalkan bahasa daerahnya sendiri apalagi memahami pengertiannya termasuk saya sendiri. Sorry deh bro untuk liriknya ya,,,wkwkwk saya sendiri lebih cepat menyuguhkan lirik dalam bahasa inggris daripada bahasa daerah saya. Maaf baru balas.

  9. kalo lirik lagu yang ini “Jujur jo nyanda ada mo ganti pa ngana” spa pe lagu eee ?

    1. ya so lupa le qt,,,pengunjung laeng yang tau blh bantu??? skalian deng lirik teks bir di komen jo nanti copas wkwkwk

  10. mantaaap, mar belum lengkap. Ada dang itu lirick foto di dalam dompet, gading batu putih

    1. Isty Julistry-Foto di dalam dompet, wow blum sempat..mudah2an waktu dekat baru ada waktu mo update,,pengunjung laeng kalo boleh bantu biar di komen jo..
      Yg kedua Gading Batu Putih ato Gadis Batu Putih-OBI
      berikut jo eee,,,ditampung dulu nanti diupdate sekalian

  11. hetty · · Balas

    memang kita pe sala samua talalu lama kase tinggal pa ngana,, so deng taong ngana ada ba tunggu,,, tunggu pa kita,,?
    sapa yang manyanyi itu,kong apa depe judul??
    tolong bls secepatnya. makaseh.

    1. wewww…sori..dk bisa bantu,,qt nintau komang itu

  12. putra gani · · Balas

    ada depe lirik yang malam dingin bagini kita duduk sandiri hati salalu batanya sapa yg sala dstxxxxx

    1. sori juga agan putra,,dk bisa kita

  13. Gan, apa dlu dank ru depe judul lg yg depe lirik bagina
    Reff: Kapal so balabuh, qt sandiri disini,
    So tapisah laot, ngana da kase tinggal”
    :D yg mnynyi parampuang mar qra qt nntw spa dpe singer le..

    1. sori juga sob,,,mungkin yg lain bisa bantu

  14. boleh jo nn p anu ni dia no

  15. bae jo ada ini,nda,,,,tuangala, siapa le mo inga2 io toh..tx named..mantap nohh

  16. lirik lagu torang samua basaudara dong ada gak????

  17. M cari d.mna ituu lirik cincin kaweng
    Denk Cinta ret k’2 Xnda ada :(

  18. Minta liriknya isty julisty ban reseref

  19. share akng dang “Balimbing Botol” pe liryc kalu ada yg tau.

  20. Spa kang yg da manyanyi tu lagu antara manado deng jakarta

  21. heppy · · Balas

    minta dang link for mo download itu lagu “Rindu for ngana” . . . so cari2 mar cuma ja dapa itu Rindu Ngana :-(

  22. Manntap bro….

Tinggalkan Balasan

Isikan data di bawah atau klik salah satu ikon untuk log in:

WordPress.com Logo

You are commenting using your WordPress.com account. Logout / Ubah )

Twitter picture

You are commenting using your Twitter account. Logout / Ubah )

Facebook photo

You are commenting using your Facebook account. Logout / Ubah )

Google+ photo

You are commenting using your Google+ account. Logout / Ubah )

Connecting to %s

Ikuti

Get every new post delivered to your Inbox.

%d bloggers like this: